Բանկային հաշիվների բացման համար անհրաժեշտ փաստղթղթերը

Բանկային հաշիվների բացումն իրականացվում է հաճախորդի հետ պայմանագիր կնքելու միջոցով:
Հաճախորդների սպասարկումն իրականացնող Բանկի համապատասխան մենեջերը ընդունելով հաճախորդին և տեղեկանալով հաշիվ բացելու վերջինիս մտադրության մասին` պարտավոր է հաճախորդին ծանոթացնել նախատեսվող պայմանագրի պայմաններին և Բանկում հաշիվների սպասարկման գործող դրույքներին ու սակագներին:

Հաշիվը բացելու նպատակով.

ֆիզիկական անձ /ռեզիդենտ և ոչ ռեզիդենտ/ հաճախորդը Բանկ է ներկայացնում `

հաշվի բացման դիմում՝ Բանկի կողմից սահմանված ձևին համապատասխան /Հավելված 1/.
անձը հաստատող փաստաթուղթ (անձնագիրը).
սոցիալական քարտ /առկայության դեպքում/, կամ դրանից հրաժարվելու վերաբերյալ համապատասխան մարմնի տեղեկանք,
Տեղեկանք ոչ ռեզիդենտ ֆիզիկական անձանց վերաբերյալ /Հավելված 5/
այլ փաստաթղթեր, ըստ Բանկի պահանջի:

Անհատ ձեռնարկատեր հաճախորդը Բանկ է ներկայացնում `

հաշվի բացման դիմում՝ Բանկի կողմից հաստատված ձևին համապատասխան /Հավելված 1/.
անձը հաստատող փաստաթուղթ (անձնագիրը).
պետական ռեգիստրի գրանցման վկայականը.
ՀՎՀՀ /պատճենը/.
ստորագրության և կնիքի /առկայության դեպքում/ նմուշների քարտը՝ հաստատված հաշվառման վայրի տարածքային հարկային մարմնի կողմից: Եթե անհատ ձեռնարկատերը ունի հաշվապահական հաշվառման պատասխանատու, բանկի հետ ֆինանսական գործառքներ կնքելու լիազորություն ունեցող անձ, ապա ներկայացվում է նաև հարկային մարմնի կողմից վավերացված այդ անձի ստորագրության նմուշի քարտը:
ըստ անհրաժեշտության նաև այլ փաստաթղթեր:

Իրավաբանական անձը, ինչպես նաև իրավաբանական անձի կարգավիճակ չունեցող անձ հաճախորդը / հիմնարկ, մասնաճյուղ, ներկայացուցչություն/ Բանկ է ներկայացնում.

Ռեզիդենտ իրավաբանական անձը՝

կանոնադրության պետական ռեգիստրում գրանցված օրինակը /եթե ներկայացվում է կանոնադրության պատճենը, ապա բոլոր էջերը պետք է կնքված և իրավասու անձի կողմից ստորագրված լինեն/,
ՀՀ պետական ռեգիստրում հաճախորդի գրանցման վկայականը /պատճեն/
գործադիր մարմնի ղեկավարի, գլխավոր հաշվապահի, բանկի հետ ֆինանսական գործարքներ կնքելու լիազորություն ունեցող անձանց ստորագրությունների նմուշների կլոր կնիքի դրոշմի քարտերը վավերացված հարկային մարմնի կողմից, 2 /երկու/ օրինակից.
ՀՎՀՀ /պատճենը/.
հաշվի բացման դիմումը՝ Բանկի կողմից հաստատված ձևին համապատասխան /Հավելված 1/
Պետական գրանցման վկայականի ներդիրը՝ ընկերության տնօրենի տվյալների մասին.
Ընկերության տնօրենի և գլխավոր հաշվապահի աշխատանքի ընդունման վերաբերյալ մասնակիցների ընդհանուր ժողովի որոշման քաղվածքը կամ հրամանը և/կամ աշխատանքային պայմանագիրը.
Ընկերության տնօրենի և գլխավոր հաշվապահի անձնագրերի պատճենները.
լիցենցիայի պատճենը՝ առկայության դեպքում.
ըստ անհրաժեշտության նաև այլ փաստաթղթեր:

Պետական մարմինները ներկայացնում են սահմանված փաստաթղթերը, բացառությամբ այն փաստաթղթերի, որոնք հանդիսանում /պարունկում/ են պետական, ծառայողական գաղտնիք և ենթակա չեն հրապարակման:

Ոչ ռեզիդենտ իրավաբանական անձը Բանկ է ներկայացնում՝

հաշվի բացման դիմումը՝ Բանկի կողմից հաստատված ձևին համապատասխան.
կանոնադրության նոտարական կարգով վավերացված և ապոստիլ արված օրինակը.
կազմակերպության տնօրենի և գլխավոր հաշվապահի նշանակման հիմքերը,
կազմակերպության տնօրենի և գլխավոր հաշվապահի անձնագրերի պատճեները,
տեղեկություններ կազմակերպության սեփականատերերի մասին,
տեղեկություններ կազմակերպության հետ փոխկապակցված անձանց մասին
հիմնադիր պայմանգրի նոտարական կարգով վավերացված և ապոստիլ արված օրինակը.
գրանցման վկայականի նոտարական կարգով վավերացված և ապոստիլ արված օրինակը.
ըստ անհրաժեշտության նաև այլ փաստաթղթեր:

Թարմացված է` 12/08/10 12:42